كل ما يحتاجه لعيب كرة القدم من تمرينات وتغذية

موضوع شامل خاص بكرة القدم .. موضوع مهم جدا . 

لعيبه كرة القدم الهواة اكتر ناس مظلومة .. بسبب عدم توافر المواضيع المهمه وقله الثقافه او عدم الاهتمام غير باللعيبه اصحاب النوادي الكبيرة ! (إلي معاهم فلوس )

الموضوع ده هيشمل كل حاجة خاصه بالتدريبات والتغذية .

(الموضوع مبسط جدا وكل مرحله انا شارح فيها التدريبات الخاصه بيها)

المهم كلنا عارفين إن كره القدم اكثر لعبة شعبيه .. بس للاسف اغلبيه المدربين بيركزو فقط علي المهارات وعلي التحمل بس .. وطبعا بيتم تجاهل عناصر اللياقه البدنيه زي القوه .. وقوه تحمل التدريب . والمرونه . والاحماء والتهدئه . والسرعه والرشاقه .. وطبعا اهم عامل التغذيه !

كره القدم زيها زي اي علبه محتاجة قوه !

1 . قوة التحمل

لازم في البرنامج التدريبي بتاعك يبقي في تمارين قلبيه فيسيولوجيه . لأنها هتساعد علي زياده قوه تحمل العضلات وهتساعدك علي اداء ال 90 دقيقة في المباراة بشكل جيد جدا 

طب يعم انت هتفضل تقولنا فسيولوجي وكلام ميتفهمش قولنا نتمرن ايه وخلاص 

التمرينات الخاصه بالتحمل بسيطه جدا (المشي - الجري مسافات وسرعات - تمارين الايروبكس)

2. تمارين القوه

القوه من اهم التدريبات للاعبي كرة القدم . وطبعا اغلبيه اللعيبه فهمه موضوع القوه غلط . انت كلعيب كره قدم لازم يبقي عندك قوة علشان تقدر تسيطر علي الكره لو انت تحت ضغط او تقدر تصد الخصم .. ومن فوائد تمارين القوة انها بتجنبك الاصابات . بتساعدك في عمليه التمثيل الغذائي . والمزيد من الطاقه . والقوه الانفجاريه في السرعه . وعلي خفه الحركه والتوازن في اللعبه . وعلي الاستشفاء العضلي !

التمرينات الخاصه بالقوة . لاعبي كره القدم مش محتاجين حجم العضلات زي لعيب الكمال اجسام او لعيبه كره القدم الامريكية .. اغلبيه التمرينات انت بتستخدم فيها وزن جسمك .. زي تمرين الضغط والعقله والمتوازي .. تمرين القرفصاء .. تمرين الطعن . وتمرين علي جهاز الرجل الاماميه والخلفيه علشان تقوي عضله الرجل ووتر الركبه والمفاصل . لأن العضلات بتساعد علي تقويه المفاصل والاوتار .. مع التركيز علي الجزء السفلي من الجسم

3. تمارين السرعه والرشاقه

الرشاقه والسرعه من اهم العناصر في كرة القدم . ومعروف إن لعيبه الكره العالمين مميزين بالسرعه وخفه الحركه زي رونادلو ومحمد صلاح وميسي 

التمرينات الخاصه بالسرعه والرشاقة .. افضل تدريبات السرعه والرشاقه هي تدريبات Plyometric .. (هتدخل علي جوجل وتكتب اسم Plyometric وتعمل بحث هتلاقي اشكال للتمارين)

4. المرونة

المرونه مهمه جدا لتجنب الاصابات . والحفاظ علي سلامه المفاصل وشد العضلات

تمرينات المرونة .. قبل ما تبدآ اي تدريب لازم تعمل عمليه احماء (المشي .. الجري . الاسكوات .. HIGH KNESS - BUTT KICKS .. وفي تمارين كتير .)

5 . اخر حاجه وهي التغذيه

شايف كل الكلام الي فوق ده ؟؟ اهو ملهوش اي لازمه من غير تغذيه سليمه .

انت عمرك ما هتقدر تكمل تمرين او ماتش غير لاما تكون ماشي علي تذيه سليمه . لازم تبقي زي اللعيبه المحترفه وتمشي علي نظام غذائي صحي ..

اشرب مياة كتيره في اليوم .

كل من 4 ل 6 وجبات خفيفه في اليوم

حافظ علي وجبه بعد التمرين

لازم كل وجبه علي مدار اليوم وبعد التمرين تحتوي علي بروتين .. وفواكهه وخضروات . والنشويات ( المكرونه . الارز . الشوفان .. البطاطا . البطاطس المسلوقه .

ممنوع السكريات والحلويات والمشروبات الغازيه .. والاكل المحمر . والزيوت الصناعيه والسمن .. استخدم في وجبات زيت الزيتون يوميا