بعض الاستراتيجيات للاستمرار في خساره نسبة الدهون
الخطوه الآولي : تحديد اهداف واقعية
قبل ما تبدا في تنفيذ خطه لإنقاص الوزن . هتكتب اهدافك بوضوح . واثبتت الآبخاث عند كتابة ماتنوي القيام به . فده بيزيد من احتمالات تحويل هدفك إلي افعال وحقائق . ولازم الاهداف ديه تكون محدده وواقعيه وإيجايبه يعني متقولش انا عاوز اخس 50 كيلو في شهر 😀 (هتقول انا هتخلص من 5 كيلو جرام من وزن الجسم من الدهون في مثلا شهر )
الخطوه الثانيه : هتراقب جسمك
يعني ايه الكلام ده ؟ يعني هتوزن جسمك مره كل شهر والميزان هيكون عباره عن قياس نسبه الدهون والعضلات وهنشوف
انت ممكن يكون وزنك ثابت بس الدهون تكون نزلت وتحس وقتها بالاحباط بس الي انت متعرفهوش إنك ممكن تبقي ماشي صح ونسبه الدهون هي الي بتنزل والعضلات بتزيد . يعني لازم نتابع نسبه الدهون والعضلات ونهتم بخساره الدهون وليس العضلات . والوزن يكون مره واحده في الشهر مش يوميا
الخطوه الثالثه : التخلص من الدهون الغير صحية
احرص علي تناول كميات اقل من (الزبد والسمن النباتي إلي علي شكل صلب ( قبل ما تشتري اي حاجه راجع المنتجات . تجنب المنتجات الي بتحتوي علي دهون حيوانيه او زيوت نباتيه مهدرجه او زيت نخيل او زيوت نباتيه مهدرجه . كل ده بتلاقيه مكتوب علي المنتجات )
الاطعمه الي بيتم تحميرها في كميه كبيره من الزيت
اللحوم إلي فيها دهون ومنتجات اللحوم المعالجه ( السجق والبيرجر وفطائر اللحم )
المعجنات ابتعد عنها . الكيك والبسكويت والبودنج . والشكولاته . الجبن كامل الدسم
(كل الآكل ده فيها نسبه دهون محولة . يفضل استخدام زيت الزيتون
الخطوه الرابعه : طبق السلطه في كل وجبه
الخطوه الخامسه : تناول كميه اكبر من الالياف
الالياف بعيدا عن انها بتقلل مخاطر مرض السرطان والقلب . ولكن ليها دور مهم جدا في خساره الدهون وهو الشعور بالشبع
وديه موجوده في الخضروات والفواكهه بشكل كبير وموجوده ايضا في الشوفان . دقيق القمح، المكسرات، البقول والبطاطس
الخطوه السادسه : الاستمتاع بالطعام وعدم الشعور بالذنب
انك تحس بالحرمان من اكل معين ده اكبر غلط . لازم تستمتع بالآكل . لو لقيت نفسك اكلت شيكولاته او اكل انت بتحبه متحسش بالذنب .
الخطوه السابعه : زود عدد وجباتك الصحية
احرص علي تناول من 4 إلي 6 وجبات في اليوم متقمسه إلي وجبات متوسطه وخفيفة
الخطوه الثامنه : العامل النفسي
لازم تهئ نفسك للتمرين العامل النفسي مهم جدا واهم من التمرين نفسه . لازم يبقي عندك الإراده والإلتزام إنك تستمر علي التمرين . ولازم تبقي واثق من نفسك إنك تقدر تخس وتوصل لهدفك
0 التعليقات:
إرسال تعليق